حزر فزر

1- من تلات حروف، ومصاحب ألوف، بيحكي لنا حكايات، يقول لنا معلومات، اسمه بيننا معروف، للمعرفة والتسلية موصوف

2- مخترع .. وعم نور، اختراعاته بينا تدور، بوابته للتاريخ سابقة، ورحلاته معانا خارقة، وكتابه عجيب مسحور

3- لست الأمامير البنوتة، باب للشياكة والموضة، ويحكي عن ست عظيمة، فيه ثقافة وأكسسوار، بيعلمني ازاي أختار، وبشياكة أفضل أمورة

4 – اسمي من أحلى جنينة، شقاوتي تملا حكاوينا، خفة دمي تملي تسلينا، بادور في الكون، كوميكس وكرتون، مع عمي وكمان أخويا

5 – أشكيله كل مشاكلي، ويقولي الحل عندي، لا بنداري ولا بنخبي، تصون صحتي النفسية، بالنصيحة ويا التوعية، تاخد بإيدي ونعدي

6 – ويا عيلتها ليها حكايات، ليها مقالب واختراعات، خيالها بيورينا حاجات، اسمها يملا السما نور، واستناها كل الشهور، ويا عيلتها أحلى الأوقات

7 – فاتح لنا طاقة من نور ويرد ع الفكر الموتور والفهم الغلط المغرور، ويشرح بطريقة سهلة بصحيح القرآن والسنة، وباختلافنا يجمعنا بخير

8 – نور وهو في قرية الطيبين شفناه بيصلح بين العيلتين وخلاهم للصعب مُتحدين، لكن قابلهم الشرير المكير اللي كاره الحب والخير.. يا ترى تعرف هو مين؟

9 – في نوادره تلقاه طيب وحويط، قالوا عنه زمان ياما حواديت، لسة معانا وله كل شهر حديت، عملنا له كتاب حكايات مليان طرايف وحاجات، اسمه في الأمثال ذايع الصيت

10- جدع وخدماته يقدمها للجميع، صاحب همة في النقل السريع، لا بيتوه ولا شيء منه يضيع، ملتزم دايما بالمواعيد، لا تقول قطر ولا بريد، وبيعدي ولو الحصن منيع

11 – صاحبنا النهارده شيف وفي مطبخه حريف لكن أكله دمه خفيف، أكله ملخبط، واسمه مشطشط، أكله خيال على تخاريف

12 – 30 حلقة مع علم وعُلما، لما عملنا بوابة لتاريخنا، منها شفنا ماضينا واتعلمنا، مع نور وزهرة وعبقري، عرفنا تاريخنا العبقري، ايه اسم مسلسل أجدادنا؟

13 – في مجلتنا باب نتعلم منه، نصنع فازة وممكن لعبة، وحاجة قديمة يبقالها فايدة، اتعلمت منه الشطارة، وبقيت فنان بمهارة، وتبقى بنفسك صاحب مهنة

14 – تاخدنا الرحلات .. جوة الصفحة، ونروح للغابات .. ولتحت الميه، طيور وحيوانات .. عجايب الدنيا، للصور نصقف ونبارك، ونقول سبحان الخالق مع اكتشافات .. مخلوقات تعجبنا

15 – تعيش أم الدنيا ونعيش بنغنيلها، كل شهر حكاية جمالها يسحرنا، تحكي التاريخ بيوتها وشوارعها، في كل تاريخ محفوظة، وعلى جدرانه منقوشة، ومن حُبُه ليها تحسه شرب نيلها

17 – مخبر ذكي لماح .. وحويط، يجيب المجرم لو جوه محيط، مشهور ومعلوم ذايع الصيت، لو الحرامي يهمس ولا يهمز لهولمز، يجيبه لو حتى نايم في البيت

18 – أبطالنا اتنين اخوات، أصحاب همم وقدرات، واجهوا ياما صعوبات، بعقلهم القوة، وبذكاء وحكمة، اتغَلِبوا على كل المشكلات

19 – حلقة ورا حلقة لـ 30 حلقة، وكل يوم رحلة ومغامرة، نلعب بحوت ونقاتل بكتريا، تلاقينا جوه إنسان، أو طير أو حيوان، شاشتنا فن وثقافة ومعرفة

20 – بابنا النهارده باب ممتاز، اختلافات وحساب وألغاز، يحب الذكاء في الإنجاز ومعانا فكر، ع الحل دور، يلا يا أستاذة ويا أستاذ

21 – صفحتنا صفحة الفنان، تعلمنا نرسم بإتقان، وازاي نختار الألوان، وزي ما بنعمل اعمل، نبتدي وانت تكمل، صفحة تعلمنا وتسلينا كمان

22 – معانا لكل شيء فن وأدب وأصول، إزاي نجلس وإزاي نتكلم ونقول، وآداب الأكل زي ما قال الرسول، فننا له دروس، بالاحترام محفوظ، لو اتعلمناه يحبونا الناس على طول

23 – قصة بنبتديها .. لكن مش بنكملها، نقولك احكيها .. وف تعليق تكملها، أجمل حكاويها .. ننشره في مجلتنا، ونكتشف اللي خيالها منور، ونعرف الأديب الصغير، ويكملوا حكاوينا .. وينهوا قصتنا

24 – وفي مجلة نور للقراءة باب، وكأنه مكتبة فيها ألف كتاب، وكاتبنا يقرا منها للأصحاب، من غير ما يتفلسف، ويعرفنا على المؤلف، ما القراية غذاء للروح والألباب

25 – وبس في مجلتنا، جعلنا من صفحتنا، تليفزيون وسينما، بحلو الكلام، نحكي أفلام، وأفلامنا لا تُنسااااا

26 – إثارة ومغامرات وضحك في مسلسلنا، كل يوم رحلة مع نور وعبقري وزهرة، ومن خلال كتابنا نرجع بالزمن لأجدادنا، نشوف علمهم واختراعاتهم، وإنهم اتقدموا وسبقوا زمنهم، ومن تاريخكم قولوا للعالم مصر أم الدنيا

30 – عن الحبيب الكلام يطيب، مع رسولنا الهادي الطبيب، وسيرته يلين ليها الغريب، حكاياته علم وزاد، سيرته نور العباد، صلاة وسلام على الحبيب